Business Model نموذج العمل و المعروف باسم

جدول المحتويات

هو الكلام دا مهم علشان نعمله ولا ما نضيعش وقت فيه ؟؟

والاجابة اقولك ركز معاي العشر دقائق بس وانت هتعرف بعد كده انت ازاي كنت هتضيع فرصة مهمة هتفرق معاك مش بس في مشروع المتجر الالكتروني! لا دي هتبيني عليها حاجات كتير في حياتك.

business-plan

فعلا نموذج العمل دا عن تجربة شخصيه لما كنت بشوف مشروع كده الناس بتتكلم عليه احس انهم بيكسبوا ملايين، لكن لما تدخل المشروع وتشوف نموذج العمل تعرف انت اد ايه كنت خاطئ في حكمك. كما لو جيت اتكلمت مع اي مستثمر علشان يدعم مشروعك في الاول! اول سؤال هيقوهولك فين نموذج العمل بتاعك؟

وان شالله بخطوات بسيطة هعرفك ايه هو وازاي بسهولة تعمله! يالابينا

تعالوا نمسك اول الخيط، انت بتقدم ايه

1. القيم المقترحة

هقدم منتج كويس؟ اجابة غلط

المفروض تكون القيم زي ما اتفقنا في اول مقالة تكون منتجك محدد بالضبط مين زبونه وايه القيمة اللي فعلا هيضيفها يعني مثلا لو بتكلم عن الاكسسورات الحريمي وباما اني دخلت المجال دا قبل كده كنت محدد النقاط دي:

  • بيع اكسسورات ذهبية
  • هنبعتلك مقاسين تختار الانسب ليكي
  • توفير كولكشن كبير ومن محلات مختلفة
  • اشتري منتجك وانت في مكتبك في بيتك في اي مكان
  • تكاليف شحن اقل

……. وهكذا

ابدع في وجود قيمة علشان تقدر تنفذها علي ارض الواقع وتلاقي زبائن لمنتجاتك تخليك مختلف عن اي حد تاني في مجالك، وخليك عارف ان السوق كبير جدا وتاكد انك هتنجح لو تعبت شوي.

بعد كدا هبيع لمين؟ ودا ينقلنا لمربع شرائح العملاء؟

2. شرائح العملاء

وهنا سؤال مهم اووووووووي هو مين اللي مممكن يشتري المنتج بتاعي؟ وهل في حد ممكن ما يشتريش منتجي؟

ازاي احدد بالضبط انا هبيع لمين؟! وهنا حط مائة خط علشان من هنا هتبدا تبيع!!

احنا عندنا كذا تصنيف او شرائح للعملاء واللي هي مثلا زي A , A+ , B , B+ , C , C+

ممكن تعمل بحث صغير وتعرف عن كل شريحة، علشان تعرف تستهدفهم. لكن احنا ممكن للتبسيط نعرف ازاي نحدد عميلنا وافضل شي تتخيل بل وتعيش حياة العميل اللي عايز تبيعله منتجك؟؟!! ايه دا انت بتصعبها!! لا ياعم ولا بصعبها ولاحاجة، تعال طيب نخليني في نفس المثال بتاعي لو عايز ابيع “اكسسورات حريمي”

العميل او الزبون هيبقي مين؟ النساء والبنات من سن 18 الي 42، وحد هيقولي انت اخترت ليه السن دا بس؟ هقوله علشان لو عملت بحث عن سن الناس اللي بتشتري من الانترنت هتلاقيهم حوالي 80% في الرنج دا.

طيب تاني سؤال، ساكن فين؟ ودي طبعا تختلف من حد للتاني! يعني هل بستهدف بس الزبائن اللي في مدينتك ولا تستهدف الزبائن اللي محتاجين منتجك؟ طبعا يقدر كل حد يحدد المكان اللي هيبدأ يبيع فيه حسب منتجه .

نيجي للسؤال الثالث، طبيعه عملة ايه؟ هي الست دي ممكن تكون في الثاتوية ولا في الجامعه ولا بتشتغل ولا ست بيت ولا اي حد فيهم.

نيجي للسؤال الرابع، اهتمامتها ايه؟ هل هي مهتمه بالفاشون عموما، بالاكسسورات، بالشوبينج ……..ألخ

طبعا دي اسئلة عموما علشان تحدد منها العميل، وفي حاجات تانية هنبقي نقولها في التسويق ان شالله علشان تحققلك استهداف عالي للعملاء.

نصحي بقي ونرجع لنموذج العمل اللي لسا فيه خبايا كتير!!! عرفنا القيمة والعميل؟ طيب هنوصل ازاي للعميل وهو هيوصلنا ازاي؟ ودا ينقلنا للمربع التالي.

3. القنوات

اللي اهي بتحدد ازاي هتوصل القيمة للعميل؟

هتوصل منتجكك ازاي؟ طبعا احنا في حالتنا هنا لما نتكلم عن متجر الكتروني فهتكون قنواتنا اونلاين، يعين عن طريق الموقع الالكتروني وكمان ممكن اوصله من خلال السوشيال ميديا.

بعدها نروح للمربع التالي.

4. العلاقة مع العملاء

هو العميل اللي احنا تعبنا وحددناه وعرفنا ازاي نوصله، عايزين بقي نحافظ عليه، ازاي؟

طبعا كل واحد ممكن يبدع في تحديد ازاي هيقدر يحافظ علي عملائه؟ ممكن مثلا برنامج نقاط مكافات واللي هو شي مهم جدا في المتجر اللي هتعمله، كمان الدعم، خدمة ما بعد البيع، خدمة عملاء، اونلاين شات، ايميلات مستمرة بالعروض، ارسال قسائم هدايا للعملاء عند التسجيل مثلا ….. الطرق كثير ولازم توفر افضل شي للعميل علشان يفضل معاك دائما.

كده خلصنا اول جزئية، ندخل بقي على المشوار التاني هو احنا المفروض هنعمل ايه بقي علشان نحقق كل الكلام اللي فات دا؟ ودا يبنقلنا للمربع التالي.

5. الانشطة الرئيسية

واللي فيها بتحدد انت المفروض ايه اللي هتعمله علشان تبني المتجر وتوصل القيمة للعميل وفي حالتنا هتبقي مثلا: تصميم متجر الكتروني ودا ما بقاش حاجة صعبه اطلاقا الان في ظل القوالب الجاهزة والمنصات اللي تبني عليها متجرك في دقائق زي منصة اكسباند كارت الاشهروالاسهل في الوطن العربي.

بعد كده طبعا هنحتاج تسويق ومبيعات وخدمة عملاء وطبعا اللي عايز يزود حاجة تانية هيزودها بناءا على كل عمل او فكرة.

طيب حلو انا عرفت كده ايه اللي المفروض اعمله، طيب هل انا املك او اقدر اقوم باي نشاط من الانشطة دي ولازم تكون بتتقنه مش اعرف وخلاص!

اذا كنت تملك شي يعني مثلا انت مبرمج، مسوق الكتروني، رجل مبيعات، لديك راس مال كافي فانت كده تملك مورد في مشروعك واللي بنحدده في المربع التالي.

6. الموارد الرئيسية

ايه اللي انا املكة علشان يبقي مورد لدي في المشروع وتكتب مثلا: البرمجة او التسويق او المبيعات او راس المال علشان اجيب موظفين للمهارات اللي نقصاني او الانشطة يعني زي ما قولنا وطبعا كل نشاط بيعتمد علي حاجات مختلفة.

7. الشركات الرئيسية

وهي الشركات التي تكون علاقته بهم مستمرة طوال مشروعك او بمعين اخر انت بحاجة لهم فمثلا اذا كنا نتكلم عن مشروع سوق الكتروني فدائما لازم يكون احد الشركاء هم شركات الشحن وايضا شركات الدفع الالكتروني لانهم في علاقة مستمرة معك طول ما انت شغال بمشروعك الي ان تعمل لنفسك مثلا شركة شحن انك تستخدم الدفع عند الاستلام.

بعد كده هنروح علي مربعين مهمين جدا لازم يكونوا واضحين من البداية وواضحين صحيح بدون افتراضات كبيرة.

8. هيكل التكاليف

وفيها يتم تحديد جميع مصاريفك اللي يتم صرفها سواء في مرتبات او استضافة او تسويق وغيره حسب كل مجال، ولا تنسي طبعا تضع لنفسك راتب اذا كنت تدير المشروع مقابل وقتك.

بعد كده المربع اللي كلنا بنتعب علشان نوصله.

9. مصادر الايرادات

“هكسب ازاي؟” لازم تكون عارف و دارس هتجيب الربح منين وفي مدرستين مشهورين في الموضوع دا وهم:

  • زيادة ربحي علي تكلفة المنتج.
  • فرض نسبة معينة على المبيعات.

يعني مثلا لو السوق الالكتروني فانا مثلا بضيف 20% علي سعر تكلفة المنتج او اني باخذ نسبة مئوية من كل منتج يتباع اذا كنت تقوم فقط بتسويق المنتجات للتجار.

وبكده نكون خلصنا نموذج العمل، واتمني كل واحد قراء المقال يبدا يستخدمة وهتلاحظ انه فرق معاك وجمع لك جميع مراحل المشروع بدماغك، بعد كده هنتكلم ازاي هنبدا بقي بتصميم المتجر الالكتروني للمبرمجين ولغير المبرمجين.

رجاء لو لاقيت حاجة صعبة وانت بتعمل نموذج العمل تقدر ترسلي وانشاء الله اساعدك، انتظرونا بالمقال الجاية انشاء الله.

لتبدأ عملك الخاص في البيع عبر الإنترنت ، فأنت بحاجة إلى متجر إلكتروني احترافي.
الآن يمكنك إنشاء متجرك مجانًا على “اكسباندكارت” في 3 خطوات سريعة.



بدون بيانات بنكية، ولا مصاريف خفية

 

كتابة رد